Policia e Kosovës dhe Inspektorati komunal i Prishtinës kanë dalë në terren.
Që nga dita e sotme të gjitha ata që nuk vendosin maskë do të mund të gjobiten nga 500 deri në 1 mijë euro.
Për shkak të parandalimit të përhapjes së koronavirusit, Qeveria e Kosovës, të dielën ka marrë vendim që zbatimi i masave të jetë më rigoroz dhe në këtë mënyrë ka kërkuar nga policia dhe inspektoratet gjegjëse që të mos tolerojnë asnjë qytetar apo asnjë individ që shkel masat mbrojtëse.
E si duket policia dhe inspektorati i Prishtinës iu kanë përgjigjur kësaj thirrje të ekzekutivit dhe që nga dita e sotme janë duke ndaluar qytetarë nëpër rrugët e kryeqytetit të cilët nuk i kanë të vendosura maskat.
