Fronti i ftohtë i vorbullës ciklonike që po depërton nga verilindja e kontinentit, pritet të kalojë sonte edhe mbi vendin tonë, që pritet të sjellë rënie të theksuar të temperaturave gjatë fundjavës, si dhe mundësi për reshje të dobëta bore gjatë natës dhe të shtunën në mëngjes.
Menjëherë pas këtij kalimi të frontit të ftohtë, fusha të fuqishme anticiklonike do të shtrihen mbi rajon, që nga nesër mbrëma do të sjellin kthjellime.
Në fillim të javës së ardhshme do të vazhdojë të mbetet ftohtë, por që temperaturat maksimale gradualisht do të shënojnë rritje.
Fronti që do të kalojë sonte mbi vend, si dhe ndryshimet e mëdha në mes të fushave të presionit të ajrit të cilat ndodhen në rajon do të sjellin qarkullim të mjaftueshëm të erërave të cilat do të ndikojnë në përmirësimin e cilësisë së ajrit dhe rënien e vlerave të indeksit të ajrit në të mira.
Sot temperaturat në vendin tonë janë nga -2 në minus -6 gradë celcius.
24.02 – Nesër pritet të thellohen edhe më shumë temperaturat e ftohta ku ajo më e ftohta e ditës arrinë në -11 gradë celcius.
25.02-26.02 – Të hënën, në vendin tonë pritet të kemi mot të kthjellët por me temperatura të ulta që shkojnë nga 1 deri në -8 gradë celcius.
26.02 – Të martën, do të kemi ngritje të temperaturave nga 7 që është më e larta e ditës deri në -8 ajo më e ulta.
Më 26, 28 shkurt dhe 1 mars, temperaturat do të ngriten përsëri, ku ajo më e larta gjatë këtyre 3 ditëve do të shkojë në 14 gradë e ajo më e ulta deri në -3.
Temperaturat e ajrit në fundjavë do të pësojnë rënie të thellë nën vlera mesatare.
Minimalet do të zbresin deri në -8C, e në fillim të javës do të rriten deri në -1C.
Maksimale do të zbresin deri në -2C, e më pas do të rriten gradualisht deri në +8C.
Do të fryj erë mesatarisht e fuqishme nga verilindja 7-14m/s..
Shtypja atmosferike do të shënojë rritje lartë mbi vlera normale.
