Në kantonin e Bernës, detyrimi për vënie të maskës, duke filluar nga sot do të zbatohet në dyqane, stacione treni dhe shumë ambiente të tjera të arritshme për publikun.
Qeveria e Kantonit po reagon në këtë mënyrë ndaj numrit në rritje të rasteve të koronavirusit, shkruan Agjecia e Lajmeve e Zvicrës, SDA.
Për një kohë të gjatë, kantoni i Bernës ishte nën mesataren e vendit sa u përket infeksioneve me koronavirus.
Por kohët e fundit ddhe këtu kishte gjithnjë e më shumë infeksione.
Për këtë arsye, këshilli qeveritar ka vendosur javën e kaluar për zgjerimin e detyrimit të vënies së maskave edhe në ambiente ku më parë nuk parashikohej.
Kështu, maskat për mbrojtje të gojës dhe hundës, duke fillöuar nga e hëna, duhet të vihen pothuajse në të gjitha hapësirat e brendshme në të, cilat ka qasje publiku.
Këtu perfshihen:
Dyqanet dhe qendrat tregtare
Stacionet e trenit
Zyrat postare
Muzetë, teatrot dhe bibliotekat
Ndërtesat e administratës
Objektet e kultit
Në restorante, mysafirët lejohen të heqin maskën vetëm pasi të jenë ulur në tavolinë.
Si një masë e mëtejshme për të frenuar koronavirusin, qeveria ka vendosur që mysafirëve në bare, klube dhe restorante t`u kërkohet të ulen.
Për më tepër, numri i mysafirëve në bare, klube dhe diskoteka është i kufizuar: maksimumi 300 njerëz lejohen të qëndrojnë në këto ambiente në të njëjtën kohë.
