Të tjera lëvizje kanë ndodhur në Policinë e Shtetit teksa në krye të saj u caktua Gledis Nano, pas dorëheqjes së Ardi Veliut. Ky i fundit u emërua dje si zv.ministër në MIE.
Ndryshimet kanë prekur edhe komisariatet në rrethe.
Burime bëjnë me dije se në Mat është emëruar shef i komisariatit Kryekomisar Ervin Hasrama në vend të Gazmend Demrozi, i cili është transferuar në të njëjtin pozicion në Kuçovë.
Po ashtu ndryshime ka edhe në Komisariatin e Bulqizës. Arben Sula ka lënë drejtimin e këtij komisariati duke u zëvendësuar me Florian Rrasën.
