Zv/kryeministri i Kosovës, Fatmir Limaj, ka deklaruar se pret që Kuvendi i Kosovës t’i japë dritë jeshile transformimit të FSK-së në Ushtri.
“Miratimi i këtij projektligji tregon se FSK është e gatshme për t’u shndërruar në Ushtri dhe për të kontribuuar për sigurinë në vend, rajon dhe më gjerë në partneritet të plotë me vendet mike”, ka shkruar Limaj në Facebook.
Qeveria e Kosovës në mbledhjen e sotme ka proceduar në Kuvend tri projektligje të cilat mundësojnë transformimin e Forcës së Sigurisë së Kosovës në Ushtri./Kosova Post/
