Gjykata e Tiranës ka lënë në burg 31-vjeçarin Fletur Zani, i cili u arrestua pak ditë më parë, për shtrëngim me anë të kanosjes për dhënie pasurie.
Zani i ka kërkuar një biznesmeni shumën prej 10 mijë eurosh, pasi do t’i gjente një shesh për ndërtimin e një pallati.
Raportohet se gjatë seancës gjyqësore prokuroria ka kërkuar arrest me burg, ndërsa vetë i pandehuri ka pranuar kanosjen që ka kryer.
31-vjeçari ka pretenduar se i ka gjetur vendin për ndërtimin e pallatit, por biznesmeni ia ka dhënë një të njohuri të tij për të ndërtuar, duke shmangur kështu pagesën që i ka premtuar 31-vjeçarit.
Në përfundim të përballjes, gjykata ka vendosur të lërë në burg 31-vjeçarin.
