Një automjet ka marrë sot flakë në ecje në qytetin e Vlorës. Mësohet se ngjarja ka ndodhur mëngjesin e kësaj të mërkure në bulevardin Ismail Qemali në Vlorë, pranë teatrit Petro Marko.
Pjesa më e madhe e automjetit tip “Ford” është shkrumbuar, por fatmirësisht nuk ka të lënduar, pasi drejtuesi i automjetit ka arritur të dalë në kohë nga makina. Zjarrëfikësja ka mbërritur në vendngjarje për të bërë të mundur shuarjen e flakëve. Policia ka shkuar pranë vendit të ngjarjes dhe po punon për zbardhjen e saj.
Njoftimi i policise:
Më datë 31.03.2021, rreth orës 08:14, në bulevardin “Ismail Qemali”, një mjet i markës “Ford”, me drejtues shtetasin Z. K, në ecje, ka marr flakë, ku si pasojë ka vetëm deme materiale. Nga hetimet paraprake rezulton se mjeti ka marrë flakë si pasojë e një shkëndije elektrike.
Vijon puna me grupin hetimor për sqarimin e plotë e rrethanave të ngjarjes.