Kryetari i Partisë së Lirisë, Ilir Meta priti sot në një takim grupin e këshilltarëve të kësaj force politike në këshillin bashkiak të Tiranës.
Meta bëri të ditur se në takim u diskutuan gjerësisht çështjet tepër kritike me të cilat përballen sot qytetarët në Tiranë dhe shqetësimet në rritje të tyre, që lidhen drejtpërsëdrejti me keqadministrimin dhe shpërdorimin ekstrem të taksave të qytetarëve nga bashkia e Tiranës.
“Këto çështje do t’i nënshtrohen menjëherë llogaridhënies së vazhdueshme dhe verifikimit me shumë përgjegjësi e vendosmëri nga këshilltarët e Partisë së Lirisë.
Urime dhe suksese drejtuesve të sapozgjedhur të grupit të këshilltarëve, kryetarit Endrit Braimllari, nënkryetarit Genc Gjokutaj dhe sekretares Eriona Bixha
