Ka shkuar në 19 numri i të personave që kanë humbur jetën dhe dhjetëra të tjerë rezultojnë të zhdukur, pas reshjeve të dendura të shiut në perëndim të Gjermanisë, të cilat kanë dëmtuar dhjetëra shtëpi, kanë njoftuar autoritetet.
Mes viktimave janë edhe dy zjarrfikës, të cilët kanë humbur jetën gjatë operacionit të shpëtimit.
Vërshimet në perëndim të Gjermanisë kanë shkaktuar dëme në prona, mbyllje të autostradave dhe evakuime brenda natës. Sakaq, një numër i madh i shtëpive në qytezën Schuld rrezikojnë të dëmtohen, kanë njoftuar më tej autoritetet.
