Motorola u kthye në tregun e smartfonëve vitin e kaluar me modelin Edge Plus, më pas u shfaq modeli Edge, dhe tani ka mbërritur një pajisje që gjen vendin e saj mes tyre.
Edge e re nuk është saktësisht një produkt kryesor, por nuk mund të renditet plotësisht as në rangun e mesëm. Telefoni vjen me 8 GB RAM dhe deri në 256 GB hapësirë të brendshme, dhe mundësohet nga procesori Snapdragon 778G i Qualcomm.
Ky është një hap më i ulët se Snapdragon 865 në modelin Edge Plus, por Edge i ri ka një ekran më të mirë të ritmit të rifreskimit prej 6.8 inç prej 144Hz, që është një avantazh ndaj modeleve të mëparshme, raporton the verge.
Në pjesën e pasme është një aparat fotografik kryesor 108 MP që përdor teknologjinë e bin-pixel për t’i bërë fotografitë të duken më mirë në kushte të ndriçimit të ulët. Ekziston edhe një aparat ultra i gjerë 8 MP dhe një sensor thellësie 2 MP. Në pjesën e përparme është një aparat fotografik selfie 32 MP që përdor gjithashtu teknologji të bin-pixel.
Pajisja mundësohet nga një bateri 5,000 mAh dhe përdor Android 11 me ndërfaqen My UX. Ai gjithashtu mbështet karikimin pa tel dhe ka një certifikatë IP52 për rezistencën ndaj ujit, e cila është inferiore ndaj standardeve IP67 dhe IP68.
Para-porositë pranohen nga 23 gushti, dhe shitjet fillojnë më 2 shtator me një çmim prej 700 dollarësh.
