Kryetari i Lidhjes Demokratike të Kosovës, Isa Mustafa, e ka quajtur të kundërligjshëm dhe kundër kushtetutës, bllokimin e KQZ-së nga ana e presidentit Hashim Thaçi.
Ai përmes një postimi në Facebook, ka kritikuar qasjen e presidentit ndaj institucionit të KQZ-së.
Sipas tij, bllokimi i KQZ-së nga ana e presidentit Hashim Thaçi është i kundërligjshëm.
“Emërimi i anëtarëve të KQZ-së, që u takojnë partive, përkatësisht koalicioneve që kanë hyrë në zgjedhjet e fundit nacionale, duhet të bëhet në harmoni me Kushtetutën, Ligjin dhe Vendimin e Gjykatës Kushtetuese, lidhur me definimin e grupeve parlamentare”, ka shkruar Mustafa në Facebook.
Postimi i plotë i Mustafës:
Presidenti i Kosovës e ka bllokuar KQZ-në në kundërshtim me Kushtetutën dhe me Ligjin.
Emërimi i anëtarëve të KQZ-së, që u takojnë partive, përkatësisht koalicioneve që kanë hyrë në zgjedhjet e fundit nacionale, duhet të bëhet në harmoni me Kushtetutën, Ligjin dhe Vendimin e Gjykatës Kushtetuese, lidhur me definimin e grupeve parlamentare.
Është e qartë se dikush do të mbetet i pakënaqur, ashtu siç kishte deklaruar Presidenti para disa ditesh, por për institucionin e Presidentit me rëndësi themelore duhet të ketë përmbushja e bazës Kushtetuese e jo referimi ndaj kënaqësive e pakënaqësive
Ftoj presidentin në emër të LDK-së ta zhbllokojë KQZ-në, sepse vazhdimi i kësaj gjendjeje do të thellojë pasojat për subjektet politike, vendin dhe për rendin kushtetues. IM