Në spitalet e Kosovës 66 pacientë po marrin shërbime shëndetësore nga COVID-19, prej tyre 33 janë pacientë post-covid që po marrin trajtim mjekësor në Klinikën e Pulmologjisë në Prishtinë.
Sipas Shërbimit Klinik Spitalor të Kosovës, 21 pacientë janë në oksigjeno-terapi, kurse dy pacientë që po marrin trajtim spitalor në Mjekimin Intensiv të Klinikës Infektive.
Numri i pacientëve sipas klinikave COVID-19 dhe spitaleve të përgjithshme:
Klinika Infektive, 5 pacientë
Klinika e Pulmologjisë, 33 pacientë post COVID-19
Mjekimi Intensiv në Klinikë Infektive, 2 pacientë.
Spitali i Pejës, 4 pacientë
Spitali i Gjakovës, 9 pacientë
Spitali i Mitrovicës, 11 pacientë
Spitali i Ferizajt, 2 pacientë
Ministria e Shëndetësisë në Kosovë ka njoftuar se të martën (më 2 nëntor) se gjatë 24 orëve të fundit janë regjistruar 21 raste me coronavirus, pas testimit të 1, 651 mostrave. Ndërsa, nuk është regjistruar asnjë viktimë.
Autoritetet shëndetësore kanë thënë se më 2 nëntor, 10 persona janë shëruar derisa 441 persona janë ende aktivë në coronavirus.
