Mesditën e sotme një apartament në Shkodër është përfshirë nga flakët, ndërsa brenda tij ka mbetur e bllokuar një grua.
Ngjarja ka ndodhur në lagjen “Xhabije”, ndërsa menjëherë kanë mbërritur forcat zjarrfikëse, të cilat kanë nxjerrë gruan nga apartamenti.
Ende nuk dihen rrethanat e rënies së zjarrit në banesë, ndërsa mësohet se gruaja ndodhej vetëm në shtëpi.
Disa orë pas zjarrit punonjësit e zjarrfikëses kanë mundur të nxjerrin gruan nga banesa, ndërsa kanë nisur hetimet për zbardhjen e rrethanave te plota të kësaj ngjarjeje.
