Një ditë pa Facebook? A mund të jetë e mundur? Një sondazh i realizuar nga “Comparis”, një shërbim krahasues i çmimeve që vepron përmes internetit, thotë se vetëm 31 për qind e zviceranëve arrijnë të ndërprerjnë filmin, muzikën, lajmet ose mediat sociale të paktën një herë në ditë.
Gjithashtu, 30 për qind thonë se me dashje marrin një pushim mediatik. Por kjo perceptohet si e pamjaftueshme, transmetion albinfo.ch. Sipas anketës, 25 për qind e zviceranëve kurrë nuk mund të stopojnë konsumin online.
Kjo vlen si për të anketuarit në Zvicrën gjermanofolëse ashtu dhe për Zvicrën franceze dhe atë italiane, Ticino.
Sipas sondazhit, 36 për qind e personave mbi 56 vjeç i përkasin asaj kategorie që kurrë nuk mund të ndalen. Te personat 18- 35 vjeç, kjo kuotë është po ashtu 36 për qind. Ndërsa 28% të njerëzve të moshave 36 deri 55 vjeçare, kurrë nuk i fikin mediet online.
Njoftimet nga miqtë dhe kontaktet përmes mediave sociale do të rritnin presionin për të shikuar vazhdimisht në telefonin inteligjent.
Sipas sondazhit të Comparis, smartphonët kanë zëvendësuar pajisje të tjera të tilla si TV dhe radio. Për shembull, 11 për qind e të anketuarve thonë se ata shikojnë programet televizive më shpesh në telefonat e tyre celularë, përcjell albinfo.ch. Në grupmoshën 18-35 vjeç, të tillë janë 22 për qind.
Dëgjimi i radios në një smartphone është gjithashtu popullor: 18 për qind e përdorin telefonin për këtë dedikim.
