Ministria e Shëndetësisë së Iranit përmes një kumtese ka informuar se numri i personave të vdekur nga koronavirus i ri në Iran është rritur në pesë, (AA).
Zëdhënësi i Ministrisë së Shëndetësisë, Kianoush Jahanpour, gjithashtu konfirmoi 18 raste të reja, duke përfshirë katër në Teheran, shtatë në qytetin Qom dhe dy në provincën Gilan.
Të mërkurën, Ministria e Shëndetësisë konfirmoi dy vdekjet e para nga koronavirusi në Qom, epiqendra e virusit në Iran.
Pas përhapjes globale të koronavirusit, Organizata Botërore e Shëndetësisë shpalli emergjencë ndërkombëtare shëndetësore.
