Fondi Monetar Ndërkombëtar (FMN) do të sigurojë rreth 1.4 miliardë dollarë ndihmë financiare për Pakistanin që të përmbushë bilancin urgjent të pagesave që rrjedhin nga shpërthimi i koronavirusit, konfirmoi sot banka qendrore e vendit.
“Bordi ekzekutiv i FMN-së aprovoi disbursimin e 1.386 miliardë dollarëve për Pakistanin për të adresuar pandeminë COVID-19”, bëri të ditur në Twitter, Banka e Shtetit të Pakistanit.
Në një deklaratë të enjten, huadhënësi global tha se disbursimi nën Instrumentin e tij të Financimit të Shpejtë do t’i mundësojë Pakistanit “të përmbushë bilancin urgjent të pagesave që rrjedhin nga shpërthimi i pandemisë COVID-19”.
“Përhapja e COVID-19 ka një ndikim të rëndësishëm në ekonominë pakistaneze. Masat e brendshme të kontrollit, së bashku me rënien globale, ndikojnë rëndë në rritjen dhe tendosjen e financimit të jashtëm. Kjo ka krijuar nevojë urgjente të bilancit të pagesave”, tha Geoffrey Okamoto, kryetari në detyrë i Bordit ekzekutiv të FMN-së.
“Në këtë kontekst të pasigurisë së shtuar, financimi emergjent i FMN-së nën Instrumentin e Financimit të Shpejtë ofron mbështetje të fortë për autoritetet, duke ruajtur hapësirën fiskale për shpenzime thelbësore të shëndetit, duke mbrojtur besimin dhe katalizuar mbështetjen e donatorëve shtesë”, tha ai.
Okamoto konfirmoi “veprimin e shpejtë” të Islamabadit për të frenuar përhapjen e virusit dhe masa të tjera për të mbështetur qytetarët.
“Kruciale është që autoritetet po rrisin shpenzimet e shëndetit publik dhe forcojnë programet neto të sigurisë sociale për të siguruar ndihmë të menjëhershme për më të prekurit”, tha Okamoto.
Pakistani tashmë është përfshirë në grupin e vendeve që mund të përfitojnë nga paketa e lehtësimit të G20, e cila përfshin pezullimin e pagesave të shërbimit të borxhit.
Ministria e Shëndetësisë tha se 497 persona të tjerë u testuan pozitivë ndaj COVID-19, duke e rritur totalin në 7.027.
Numri i vdekjeve është rritur në 135 pasi 11 pacientë kanë vdekur ndërsa numri i të shëruarve arrin në 1.765, shtoi ministria.
