Kreu i PBDNJ, Vangjel Dule, përmes një komunikimi për mediat ka reaguar pas caktimit të masës arrest me burg për kandidatin e opozitës në zgjedhjet e 14 majit në Himarë, Fredi Beleri.
Sipas tij “pengmarrja” e Belerit vazhdon, ndërsa vendimi i dhënë nga gjykata tashmë pritej.
Dule u shpreh se vendimi i dhënë ndaj Belerit është motivuar dhe ekzekutuar drejtpërsëdrejti nën urdhrat e kryeministrit Edi Rama.
Avokati tha: “Proces dhe akuzë politike”, -kështu e ka konsideruar avokati i Fredi Belerit akuzën e ngritur ndaj kandidatit të ‘Bashkë Fitojmë’ për bashkinë e Himarës.
Në një prononcim për mediat në përfundim të procesit, mbrojtësi ligjor i tij, tha se Beleri se nuk u provuan provat që ata kërkonin ndonëse arrestimi u konsiderua i ligjshëm.
“Veprimet ishin të simuluara të policisë, është akuzë politike dhe montim politik.
Nuk u provua në asnjë moment as ekzistenca e listave, ishte duke dalë nga lokali, rrëmbimi aty konsistonte të gjente dicka në flagrancë, por nuk i gjetën. Beleri do të dërgohet sot në Tiranë”,- tha ai