
Në një sulm ajror izraelit sot ndaj një pozicioni ushtarak në Sirinë qendrore janë plagosur tre ushtarë, njofton agjencia zyrtare e lajmeve SANA.
SANA, duke cituar një burim ushtarak, tha se sulmi kishte në shënjestër një pozicion ushtarak pranë qytetit Masyaf në provincën Hama.
Mbrojtja ajrore e Sirisë rrëzoi një numër raketash të shkrepura nga hapësira ajrore libaneze.
Ushtria izraelite nuk është prononcuar lidhur me rastin.


