Roja bregdetare greke ka arrestuar nëntë të mbijetuar nga tragjedia shkatërruese e së mërkurës me varkën e emigrantëve me akuzën e trafikimit të qenieve njerëzore.
”Burrat, të cilët vinin nga Egjipti, u akuzuan për formimin e një organizate kriminale”, njoftoi radioja dhe televizioni shtetëror grek, ERT.
Ata do të sillen para prokurorit të qytetit port të Kallamatës, i cili më pas do të vendosë për fatin e tyre.
Një varkë peshkimi me qindra njerëz, duke përfshirë rreth 100 fëmijë, u mbyt të mërkurën në Mesdhe në gadishullin e Peloponezit.
Rreth 500 persona dyshohet se kanë vdekur.
Autoritetet ende po marrin në pyetje të mbijetuarit.
Sipas hetimeve të fundit nga hetuesit, anija ishte larguar nga Egjipti pak ditë më parë dhe më pas është ndalur në Tobruk të Libisë për të marrë persona të tjerë.
Më pas, kontrabandistët do të lundronin drejt Italisë.
