Portugalia ka ashpërsuar sërish masat pas rritjes së rastevë të reja me Covid. Qeveria e Kryeministrit António Costa dëshiron të shmangë me çdo kusht një skenar tragjik.
“Pavarësisht suksesit dhe përpjekjes që duhet të vazhdojmë me vaksinimin, jemi të vetëdijshëm se po hyjmë në një fazë me një rrezik të madh. Jemi dëshmitarë të një rritjeje të rasteve në vendet e tjera të Bashkimit Europian dhe Portugalia nuk do të bëjë përjashtim”.
Nga 1 Dhjetori, vendosja e maskës do të jetë sërish e detyrueshme në ambientet e mbyllura. Hyrja në restorante, bare apo kinema do të bëhet përmes pasaportës shëndetësore.
Edhe personat e vaksinuar duhet të kenë një test negativ për të hyrë në spitale, azile dhe stadiume.
