Sekretari për mediat në Kremlin, Dmitry Peskov ka rezultuar pozitiv me koronavirus dhe po trajtohet në spital. Ai e pranon vetë se është i sëmurë dhe tashmë ndodhet nën kujdesin e mjekëve, ndërkohë ai është zëdhënësi i Presidentit Putin.
Prej 20 vitesh ata punojnë bashkë, por Peskov siç pohon edhe vetë ka më shumë se 1 muaj pa e takuar dhe pa pasur kontakt me Putin.
Por Peskov nuk është i vetmi zyrtar i lartë i prekur nga COVID-19. Kryeministri Mikhail Mishustin, deputeti Andrey Belousov, apo ministrat Vladimir Yakushev dhe Olga Lyubimova janë infektuar më parë gjithashtu.
