Pushteti i ka dhënë vulë mësymjes për ta përligjur politizimin e korit diplomatik.
Në kuadër të ndryshimeve që i ka bërë në Ligjin për shërbimin e jashtëm ka përfshirë edhe një dispozitë që hap mundësinë për t’i kthyer në diplomatë të karrierës të gjithë ambasadorët e emëruar sipas çelësit politik.
Projektligji, një kopje të të cilit të martën e ka siguruar Koha Ditore, ka kaluar këtë muaj në Qeveri dhe është përcjellë në Kuvend për miratim.
Dispozita kontestuese është përfshirë, pa pajtimin e grupit punues që e ka hartuar përmbajtjen. Dhe në proces hartimi të këtij dokumenti, ambasadorë e zyrtarë të Ministrisë kishin kundërshtuar fort mësymjen e Qeverisë për këtë dispozitë që thellon politizimin në shërbimin e jashtëm, sikur që e kanë kundërshtuar edhe versionin e ri të saj.
Neni 85 flet për procesin e vlerësimit të diplomatëve.
