Kryeministri Edi Rama ishte sot në Vlorë ku inspektoi punimet ne kantierin e ri Lungomare 3, i cili shtrihet në vijën bregdetare nga tuneli i Ujit të Ftohtë në Vlorë deri në Radhimë dhe Orikum.
Në këtë projekt do të ndërhyhet për transfomimin cilësor të plazheve, hapësirave publike, njësive të shërbimit, si edhe do të mbillen pemë e krijohen zona të mëdha këmbësore mbi gjurmën e rrugës ekzistuese, ku do të ketë edhe një rrugë biçikletash.
Ndërkohë, trafiku i automjeteve do të spostohet në një aks të ri, duke mundësuar një frymëmarrje krejt të re për Vlorën turistike 2030.
