Në kantierin e rrugës Peshkopi-Maqellarë, vazhdim i rrugës së Arbrit, po vijon puna në lotin 3, ku aktualisht po punohet për gërmimin, mbushjen e trupit të rrugës dhe ndërtimin e dy urave.
Kryeministri Edi Rama ndau në rrjetet sociale momente nga puna për ndërtimin e kësaj rruge.
Rama tha se “ky aks rrugor vazhdim i rrugës së Arbrit, jo vetëm do të shkurtojë distancat mes fshatrave përreth Dibrës e Tiranës, por do të jetë një mbështetje për bujqësinë dhe agroturizmin e zonës”.
Kjo rrugë do të përmirësojë cilësinë dhe standardet e rrugës që është e kategorisë C2, por nga ana tjetër do të shkurtojë në 9 nga 11 km që është aktualisht rruga Maqellarë-Peshkopi.
Me përfundimin e punimeve rruga nga dalja e Tiranës deri në Peshkopi do të përshkohet për 1 orë, ndërsa do të nxisë fluksin e qarkullimit të vizitorëve dhe turistëve në këtë zonë.
