Një çift 90-vjeçarësh, të cilët kanë qëndruar larg njëri-tjetrit që prej muajit Shkurt u ritakuan në një mbrëmje romantike për të festuar 66 vjetorin e martesës. Derek dhe Phyllis Mapes kishin qenë larg për tetë muajt e fundit për shkak të pandemisë, por stafi i Laurel Lodge në Norwich donte të krijonte një natë të veçantë për ta.
Çifti nuk mundi të festonte në kohë 66-vjetorin e martesës në shkurt sepse Phyllis ishte i sëmurë dhe duhej të shkonte në spital. Ata mund të flisnin herë pas here me telefon dhe stafi organizonte disa vizita përmes distancës sociale në kopsht ose përmes dritares por nuk ishte e mjaftueshme – ata nuk mund të përqafonin njëri-tjetrin.
Më 15 tetor ai u transferua në Laurel Lodge dhe stafi filloi të planifikonte darkën e përvjetorit.Vajza e tyre, Heather ndihmoi t’u gjente atyre veshjet më të mira. Kur u ritakuan, Derek tha mes lotësh: “Është e shkëlqyer, është mirë të rikthehemi së bashku.” Çifti u martua në vitin 1954 dhe kanë tre fëmijë dhe 7 nipër e mbesa.
