Kryeministrja italiane Giorgia Meloni mirëpriti presidentin ukrainas Volodymyr Zelensky në pallatin ”Chigi” në Romë.
Meloni u takua me Zelensky në oborrin e rezidencës së saj zyrtare ku lideri ukrainas u prit me nderime ushtarake.
Dy liderët ndanë një drekë pune brenda dhe pritet të japin një deklaratë të përbashkët për shtypin.
Zelensky, i cili mbërriti në Romë të shtunën në mëngjes, u takua me presidentin italian Sergio Mattarella më herët gjatë ditës. Mattarella i tha Zelenskyt se Italia është “plotësisht në anën” e Ukrainës në luftën e saj kundër pushtimit rus.
“Është nder që të kam këtu në Romë”, i tha Mattarella Zelenskit.
