Moti i keq ka sjellë shembje masive të rrugës që lidh fshatrat e njësisë administrative Ungrenj, segment që lidh Lezhën me Kallmetin.
Mësohet se është bllokuar segmenti rrugor duke izoluar qindra banorë të kësaj zone të cilët nuk kanë asnjë mundësi tjetër për t’u lidhur me qendrën urbane.
Siç mund të shihet edhe nga foto për shkak të rrëshqitjeve të dherave rruga është ndarë në dy pjesë.
Për pasojë është bërë i pamundur qarkullimi i mjeteve në segmentin në fjalë.
