Kryeparlamentari shqiptar Gramoz Ruçi ka mbajtur një fjalë në konferencën e kryeparlamentarëve të BE në Vjenë.
Ruçi tha se Shqipëria e dëshiron integrimin në BE dhe në organizma të tjerë europianë, duke shtuar se beson se edhe e meriton atë.
“Shqipëria, vetëm plan A për integrimin. Objektivat e Këshillit Europian janë përmbushur. Besojmë në vlerësimin pozitiv për Shqipërinë. Ky vlerësim pozitiv besojmë se mbështetet në arritjet dhe meritat”, tha Ruçi.
Gramoz Ruçi vlerësoi se populli shqiptar është ndër më pro-europianët në rajonin e Ballkanit.
