Ministria e Jashtme e Rusisë ka njoftuar se do t’i kundërpërgjigjet Greqisë në lidhje me deportimin e 2 diplomatëve rusë dhe ndalimin e hyrjes në vend për dy të tjerë.
Ministria në lidhje me vendimin e Greqisë ndaj diplomatëve rusë, në një deklaratë ka theksuar se “Pas situatave të tilla të ngjashme merren masat e kundërpërgjigjes”.
Sipas lajmit të gazetës greke “Kathimerini” të cilin e bazon në burimet diplomatike, Qeveria e Greqisë me arsyetimin se “kanë kryer veprime që kërcënojnë sigurinë kombëtare të Greqisë” ka deportuar 2 diplomatë rusë dhe ndaj 2 të tjerëve ka vendosur ndalimin e hyrjes në vend.
