Studiuesit në Institutin Federal Politeknik të Lozanës (EPFL) dhe Spitalin Universitar Vaud (CHUV) kanë gjetur një antitrup monoklonal “shumë të fuqishëm” që synon ta zhduk koronavirusin dhe është në gjendje të neutralizojë variantet e tij të ndryshme.
“Zhvillimi i këtij antitrupi të ri neutralizues shënon një hap vendimtar në luftën kundër pandemisë Covid-19”, njoftuan të dy institucionet së bashku.
“Kjo hap rrugën për përmirësimin e menaxhimit të formave të rënda të sëmundjes dhe premtimin e masave të reja parandaluese, veçanërisht për njerëzit me sistem imunitar të dobësuar”.
Antitrupi i zbuluar mund të përdoret gjithashtu si pjesë e terapisë së kombinuar për të zvogëluar ashpërsinë e sëmundjes tek njerëzit e infektuar.
Sidoqoftë, ky zbulim nuk ka për qëllim të zëvendësojë vaksinimin, i cili ende mbetet mënyra më efektive për të mbrojtur kundër infeksionit, vunë re si EPFL ashtu edhe CHUV.
