Dhjetë persona humbën jetën si pasojë e sulmeve të avionëve ushtarak të Rusisë në një spital të zbrazur dhe dy shkolla në “zonën jokonfliktuale” në Idlib të Sirisë.
Në deklaratën për AA, Drejtori i Mbrojtjes Civile (Helmetat e Bardha) në Idlib, Moustafa Haj Youssef, tha se forcat ajrore të Rusisë vazhdojnë me sulmet intensive drejt Idlibit.
“10 persona kanë humbur jetën si pasojë e sulmeve të avionëve luftarak rus në një spital dhe dy shkolla në fshatin Mishmishan të Xhisr Esh-Shugur. Janë plagosur të paktën 15 civilë në mesin e të cilëve gjenden edhe pjesëtarë të Mbrojtjes Civile”, u shpreh Youssef.
Ai poashtu theksoi që vazhdojnë sulmet e pandërprera mbi tërë provincën dhe shtoi se pezullimi i mësimit në shkolla dhe zbrazja e spitalit pas sulmeve të para, kanë parandaluar një masakër më të madhe.
Ekipet e Mbrojtjes Civile kanë thënë se vazhdojnë sulmet ajrore dhe se mund të rritet numri i të vdekurve.
Nga ana tjetër, Ebu Bahir, nëpunës në observatorin ajror të opozitarëve tha: “Në orët e drekës, avionët luftarak të Rusisë të tipit Su35 fluturuan nga baza Himejmim në Latakia dhe kryen sulme mbi spitalin dhe shkollat e Xhisr Esh-Shugur.”
“Zona jokonfliktuale” në Idlib është shënjestër e sulmeve të intensifikuara ajrore në dy muajt e fundit.
Guta Lindore dhe Idlibi në takimin e Astanas më 4-5 maj të vitit të kaluar u shpallën si “zona jokonfliktuale” nga Turqia, Rusia dhe Irani./Rtv islam/
