“Qatar Charity”, në këtë kohë pandemie ka dhuruar 200 pako ushqimore dhe 200 thasë miell 25 kg për familjet në nevojë, në komunën e Skenderajt.
Këtë lajm e ka bërë të ditur kryetari i Skenderajt, Bekim Jashari, i cili ka falënderuar shtetin e Katarit për ndihmën dhe solidaritetin e treguar për popullin shqiptar.
“Në emër të komunës dhe të qytetarëve të Skenderajt falënderoj donatorin për përkrahjen dhënë në këtë situatë emergjente. Të gjitha ndihmat e dhuruara nga donatorët po shpërndahen tek secila familje, përmes Drejtorisë për Shëndetësi dhe Mirëqenie Sociale, Qendrës për Punë Sociale, me qëllim të mos krijimit të turmave, për të evituar kështu mundësinë e përhapjes së infeksionit’, ka thënë Jashari.
