Objektiv i një sulmi vetëvrasës sot në Afganistan ka qenë Departamenti për dhënien e letërnjoftimeve në Xhalalabad.
Zëdhënësi i Zyrës së guvernatorit të provincës Nangarhar, Attaullah Khogyani konfirmoi se pas sulmit ndodhi përleshje e armatosur mes policisë dhe sulmuesve të armatosur.
Ndërsa zëdhënësi i policisë, Mubarez Attal për AA tha se policia edhe më tej kërkon sulmuesit.
Radioja lokale “Azadi” lajmëron se në sulmin vetëvrasës së paku 10 persona u plagosën, përfshirë edhe disa gra dhe fëmijë.
Deri më tani askush nuk e ka marrë përgjegjësinë për sulmin.
Xhalalabad është qendra administrative e provincës Nangarhar, që është bastion i aktiviteteve shumë vjeçare të lëvizjes talebane, ndërsa vitet e fundit edhe të grupeve të lidhur me organizatën terroriste DEASH.
