Sulmet e heshtura ose të panjohura të zemrës mund të rrisin rrezikun e ardhshëm të sulmit në tru tek personat e moshës 65-vjeç e lart, thuhet në studimin e Shoqatës Amerikane të Sulmit në Tru, transmeton Anadolu Agency (AA).
Një sulm i heshtur në zemër, i njohur gjithashtu si një infarkt i heshtur i miokardial, nuk ka simptoma minimale ose të panjohura, tha studimi i bazuar në të dhënat shëndetësore të më shumë se 4.200 të rriturve.
Për diagnostikim është i nevojshëm një elektrokardiogram (EKG) ose ndonjë formë e imazhit të zemrës si ekokardiogrami ose një rezonancë magnetike kardiake (MRI), shtoi ai.
“Rreziku afatgjatë i vdekjes mund të jetë aq i lartë pas një sulmi në heshtje të zemrës, sa është me pas një sulmi të njohur në zemër, dhe rezulton se sulmet e heshtura të zemrës janë më të shpeshta sesa sulmet tradicionale të zemrës”, tha autori i studimit Alexander E. Merkler.
“Zbuluam se një sulm i heshtur në zemër rrit rrezikun e sulmit në tru, duke sugjeruar që sulmet e heshtura të zemrës mund të kenë nevojë të njihen si faktor i ri rreziku për sulm në tru”, shtoi Merkler, i cili është asistent profesor i neurologjisë në Weill Cornell Medicine në New York.
Pjesëmarrësit në studim që kishin prova të sulmit të heshtur në zemër kishin rrezik në rritje prej 47 për qind të zhvillimit të një sulmi në tru, krahasuar me të rriturit që nuk kishin sulm të heshtur të zemrës.
Studimi zbuloi se pacientët me prova të sulmit të heshtur në zemër të gjetur në EKG duhet të konsiderohen se kanë një rrezik në rritje të sulmit në tru.
