Një tërmet i fuqishëm prej 5,7 ballësh sipas Rihterit sot në mëngjes ka goditur pjesën jugore të Iranit.
Qendra seizmologjike në Universitetin e Teheranit njoftoi se epiqendra e tërmetit është regjistruar në qytezën Ruyder, në krahinën jugore iraniane Hurmuzgan.
Epiqendra është regjistruar në thellësi prej tetë kilometrave, ndërsa dridhja e tokës ka shkaktuar panik edhe në disa qytete jugore të vendit.
Tërmeti ndodhi në ora 09:37 sipas kohës lokale, ndërsa në zonat e godituara janë dërguar shumë zjarrfikës, ekipe mjekësore dhe të shpëtimit.
Deri tani nuk ka informacione për persona të pësuar.
