Presidenti i Kosovës, Hashim Thaçi i ka kujtuar bllokut opozitarë në Kosovë se dikur kur ishte në vendin e tyre(opozitë) i ishte bashkangjitur ekipit të Ibrahim Rugovës. Në konferencën e sotme për media, Thaçi ka ftuar opozitën ti bashkëngjiten ekipit të tij në bisedimet Kosovë-Serbi sikurse ai dikur që iu bashkua ekipit të unitetit.
“Kur kam qenë në opozitë i jam bashkangjitur ekipit të unitetit në Vjenë. Edhe sot, Kosova ka presidentin, kryeparlamentarin, kryeministrin dhe liderët e opozitës.
Të kemi një ekip sa më gjithëpërfshirës që t’i diskutojmë gjërat paraprakisht dhe të marrim vendimet e përbashkëta”ka thënë Thaçi.
