Njëmbëdhjetë shtetas të huaj të dyshuar si anëtarë të grupit terrorist DEASH u arrestuan të enjten në provincën qendrore Konya të Turqisë, bëjnë të ditur zyrtarë të sigurisë.
Shtetasit irakianë u rrethuan gjatë operacioneve të njëkohshme kundër terrorizmit të nisura anembanë provincës, tha një burim sigurie me kusht anonimiteti.
Të dyshuarit u sollën në një stacion policor për hetim të mëtejshëm, shtoi burimi.
Më shumë se 300 persona kanë humbur jetën në sulmet brutale të DEASH-it në Turqi, ku organizata terroriste ka shënjestruar civilët me bomba, sulme me raketa dhe armë.
Forcat turke të sigurisë janë përfshirë në një fushatë të gjatë për të parandaluar sulmet e DEASH-it./Rtv islam/
