Lëshohet urdhër arresti për 23 të dyshuar në të gjithë Turqinë, përfshirë 16 ushtarakë në detyrë aktive, për lidhjet e tyre të dyshuara me Organizatën Terroriste FETO, grupi që qëndron pas grushtit të shtetit të dështuar të vitit 2016, thanë sot burime të sigurisë.
Prokurorët në provincën juglindore të Adanës lëshuan urdhrat për të dyshuarit, përfshirë një kapiten dhe një toger, për të cilët u zbulua se kishin komunikuar me “imamët e fshehtë”, anëtarët e lartë të FETO-s, tha një nga burimet, i cili kërkoi të mbetet anonim për shkak të kufizimeve për t’u prononcuar për mediat.
Disa të dyshuar raportohet se u arrestuan në operacionet policore në Adana të kryera në 13 provinca.
Ndërkaq është duke vazhduar operacioni për kapjen e të dyshuarve të tjerë.
FETO dhe udhëheqësi i saj me bazë në SHBA, orkestruan grusht shtetin e dështuar të 15 korrikut 2016 në Turqi, në të cilin 251 persona ranë dëshmorë dhe rreth 2.200 të tjerë u plagosën.
Turqia akuzon FETO-n se qëndron pas një fushate të gjatë për rrëzimin e shtetit përmes infiltrimit të ithtarëve të saj në institucionet turke, veçanërisht në ushtri, polici dhe gjyqësor.
