Ministria e Shëndetësisë së Brazilit njoftoi se me 33.846 rastet e reja që janë regjistruar në 24 orët e fundit ka arritur në 1.402.041 numri i rasteve me COVID-19 në vend, ndërsa me 1.280 vdekjet e reja në 24 orët e fundit numri i viktimave në Brazil ka arritur në 59.594.
Tejkalon 10 mijë numri i vdekjeve në Rio de Janeiro
Qendra tregtare e vendit, rajoni Sao Paulo me një popullsi prej rreth 46 milionë banorë është rajoni më i prekur në vend nga pandemia me 280.380 raste dhe 14.763 vdekje nga COVID-19.
Ndërkohë tejkalon 10 mijë numri i vdekjeve në Rio de Janeiro i cili është rajoni më i prekur nga pandemia pas Sao Paulo-s. Virusi në Rio de Janeiro popullsia e të cilit tejkalon 16 milionë ka shkaktuar vdekjen e 10.080 personave dhe ka prekur 112.611 të tjerë.
Instituti i Gjeografisë dhe Statistikave të Brazilit ka njoftuar se në muajin maj tek 4.2 milionë njerëz janë shfaqur simptoma të ngjashme të COVID-19 të tilla si humbje të shijes dhe aromës, kollë dhe temperaturë e lartë.
Me një popullsi prej më shumë se 211 milionë banorë, Brazili cilësohet si “epiqendra e pandemisë” në Amerikën Latine.
Meksikë, arrin në 226.089 numri i rasteve nga COVID-19
Ministria e Shëndetësisë së Meksikës njoftoi se me 648 vdekjet e reja të shënuara në 24 orët e fundit numri i viktimave nga COVID-19 në vend është rritur në 27.769, ndërsa me 5.432 raste të reja është rritur në 226.089 numri i rasteve me COVID-19.
Numri i vdekjeve nga COVID-19 në Meksikë tejkaloi për herë të parë shifrën 500 më 27 maj. Në Meksikë rasti i parë me COVID-19 u regjistrua më 28 shkurt, ndërsa vdekja e parë më 19 mars.
Indi, rritet në 17.400 numri i vdekjeve nga COVID-19
Ministria e Shëndetësisë së Indisë tha se në 24 orët e fundit në vend janë shënuar 18.653 raste të reja duke e rritur në 585.493 numrin e rasteve, ndërsa me 507 vdekjet e reja në 24 orët e fundit është rritur në 17.400 numri i viktimave nga COVID-19.
Deri më tani numri i personave që janë shëruar nga COVID-19 në Indi ka arritur në 347.978 persona.
Sipas faqes së internetit “Worldometer”, e cila përpilon të dhënat në lidhje me COVID-19, India radhitet në vendin e katërt në botë përsa i përket numrit të rasteve.
