Kryetari i Kuvendit të Kosovës, Kadri Veseli ka bërë sot pasdite homazhe në kompleksin memorial të UÇK-së bashkë me kabinetet qeveritare të Kosovës dhe Shqipërisë.
Kryeparlamentari Veseli i shoqëruar nga kryeministrat Edi Rama e Ramush Haradinaj dhe bashkë me vëllain e komandantit legjendar Adem Jashari, Rifatin, kanë vendosur kurora lulesh tek varrezat e familjes Jashari në Prekaz.
“Në nëntorin kuq e zi të kombit tonë, të gjitha rrugët çojnë në PREKAZ”, ka shkruar Veseli në faqen e tij në Facebook.
Po ashtu, Veseli me këtë rast ka thënë se integrimi i dy vendeve në Bashkimin Evropian mbetet prioritet./Kosova Post/
