Zbardhen detaje të reja nga vrasja e biznesmenit Çajup Selimi mbrëmjen e djeshme ne Tepelenë.
Mësohet se viktima është qëlluar me tre plumba, 1 prej të cilëve e ka kapur në zemër dhe ka rezultuar fatal për të, duke mos arritur të rezistonte prej plagëve të marra.
Autori i vrasjes mendohet të ketë ardhur në këmbë deri në vendin e ngjarjes dhe më pas është larguar nëpërmjet rrugicave të zonës.
Viktima dyshohet të ketë pasur një konflikt të vazhdueshëm me një person që ishte pranë biznesit të tij. 
Më herët viktima ka pasur një sherr me një 27 vjeçar që prej vitit 2013, ku janë goditur edhe me sende të forta.
Sipas dyshimeve, ngjarja e rëndë që ndodhi mbrëmjen e djeshme, mund të ketë ardhur edhe si pasojë e konkurrencës.
Selimi mbeti fillimisht i plagosur ndërsa ndërroi jetë në spitalin e Gjirokastrës.
