Ende mjegull në dialogun Kosovë- Serbi, tensione politike, ndërhyrje nga SHBA- BE si dhe një marrëveshje e fshehtë që po aludohet mes Vucic dhe Thacit prej takimit të tyre të fundit në Shtëpinë e Bardhë.
Por deklaratat e Vucic janë tejet kontradiktore. Sot Presidenti serb tha se nuk ka marrëveshje të fshehtë, pra ajo që do të ccojë në ndarje të territoreve.
Më parë Vucic pranoi se nuk do të jetë ai që do të firmosë njohjen e Kosovës dhe i propozoi serbëve të zgjedhin një President tjetër nëse duan këtë gjë.
Kurse 3 ditë më parë një video në mediat serbe gjatë një intervistë Vucic thotë se Kosova do e fitojë pavarësinë në gjithë territorin e saj dhe për këtë fajtor nuk do të jetë ai si President.
