Toka mund të jetë i vetmi planet ku ka jetë, por kjo nuk do të thotë se është më i miri. Një studim i ri ka identifikuar 24 planetë potencalisht “të banueshëm” që mund të kenë kushte të përshtatshme për të jetuar. Planetët mund të jenë pak më të vjetër se Toka, “pak më të mëdhenj, pak më të ngrohta dhe ndoshta më të lagështa”, sipas Fox News.
Ata gjithashtu mund të rrotullohen rreth yjeve me jetëgjatësi më të madhe se Dielli, zbuluan studiuesit. 24 planetët e identifikuar janë të gjithë më shumë se 100 vite drite larg, por mund të identifikohen nga teleskopët e ardhshëm hapësinorë, siç është Teleskopi Hapësinor James Web i NASA-s, shtuan studiuesit.
Midis 24 ekzoplanetëve, asnjëri prej tyre nuk i plotëson të gjitha kriteret për të qenë “i banueshëm”, por njëri prej tyre ka katër nga karakteristikat, duke sinjalizuar se mund të jetë më i përshtatshëm për jetë sesa Toka. Më shumë se 4500 ekzoplanetë janë zbuluar nga NASA në total, afërsisht 50 prej të cilëve besohet të jenë potencialisht të banueshëm.