Shoqata “Wir für euch” (“Ne për ju”) bën thirrje për luftë kundër masave kundër koronës. Madje, ajo thotë që “kushdo që zbaton masat e Koronës duhet të raportohet – kështu shkruan shoqata “Ne për ju” në faqen e saj.
Shoqata ngre disponimin kundër shtetit ligjor zviceran. Sipas deklaratave të tyre, ata thirren në detyrën e tyre për të mbrojtur dhe mbështetur të drejtat themelore të të gjithëve.
Sipas gazetës “Tages Anzeiger”, grupi deklaron se përbëhet nga prokurorë, oficerë policie dhe gjykatëse. Por është e paqartë se sa anëtarë ka grupi në të vërtetë.
Së fundmi, “Wir für euch” ka publikuar një video të shkurtërku pozicionohet kundër masave të zbatueshme të koronës, transmeton albinfo.ch. Rreth 40 njerëz me kapuçët e ngritur shihen duke qëndruar në brigjet e Liqenit Walesee (SG).
“Masat e marra gjatë një viti e gjysmë janë joproporcionale”, thonë ata. Kjo pasohet nga shtrëngimet e duarve midis oficerëve të policisë, anëtarëve të ushtrisë dhe grupit “Trychlers” – të gjitha në mënyrë anonime. Mbetet e paqartë nëse këta janë në të vërtetë policë.
Sepse policët që refuzojnë të zbatojnë ligjin në fuqi bëjnë shkelje që ndiqet penalisht. “Nuk ka vend për neglizhim në zbatimin e masave që janë miratuar nga organizata të legjitimuara politikisht”, ka thënë Florian Näf nga Fedpol për gazetën “Tages Anzeiger”. “Në një demokraci dhe një shtet kushtetues, policia duhet të jetë ideologjikisht neutrale”.
Dy policë tashmë janë pushuar nga puna
Në fillim të tetorit, “Republika” kishte demaskuar dy mbështetës të shoqatës “Wir für euch” në policinë e Kantonit të Cyrihut, përcjell albinfo.ch. Ata fajësoheshin se kanë bërë thirrje për kallëzim penal kundër punonjësve të policisë. Policia Kantonale e Cyrihut më pas i ka liruar ata të dy nga shërbimi.
“Një thirrje e tillë cenon vlerat e policisë së kantonit”, thonë në Policinë Kantonale. “Dhe bën shkelje kundër betimit që bën çdo polic para se të hyjë në trupat policore . Në këtë mënyrë mund të dëmtojë besimin e popullatës në punën dhe ndershmërinë e policisë së kantonit”.
