Ballina Kosova MPJ: Serbia të ndalë urgjentisht pengesat e lirisë së lëvizjes së qytetarëve

MPJ: Serbia të ndalë urgjentisht pengesat e lirisë së lëvizjes së qytetarëve

32
0
SHPËRNDAJE

 

Ministria e Punëve të Jashtme e Kosovës nëpërmjet një komunikate për media ka reaguar në lidhje me ndalimin e akademik Hivzi Islami që të hyjë në Serbi.

MPJ ripërsërit se ndalimi për herë të dytë brenda pak ditësh i ish-kryetarit të Akademisë së Shkencave dhe Arteve të Kosovës dhe anëtarit të Akademisë Evropiane të Shkencave dhe të Arteve, Hivzi Islami, që të hyjë në shtetin fqinj dhe të vizitojë familjarët e tij, si edhe shumë raste të tjera pothuajse të zakonshme si për zyrtarët e lartë ashtu edhe për qytetarët e zakonshëm janë në kundërshtim të plotë me Marrëveshjen e Brukselit, zotimin deklarativ të shtetit fqinj Serbisë për normalizimin e plotë të marrëdhënieve në mes dy shteteve dhe një shkelje e sistematike e njërës prej të drejtave fundamentale të Bashkimit Evropian.

“Ministria e Punëve të Jashtme thërret autoritetet e shtetit fqinj që të ndërpresin menjëherë veprimet dhe sjelljet e tilla ndaj shtetaseve të Kosovës dhe paralelisht me këtë edhe përfaqësuesit e BE-së që të dalin në mbrojtje të njërit prej parimeve themelore, në bazë të së cilit është themeluar edhe vet BE-ja”, thuhet në komunikatë.

MPJ do të përcjellë me vëmendje të posaçme rastet e ngjashme në të ardhmen, rishqyrtojë qasjen pozitive ndaj kërkesave për vizita nga autoritetet e Serbisë në Kosovë dhe do të veprojë në bazë të parimit të reciprocitetit, nëse raste si ky përsëriten në vazhdimësi dhe janë qëllimliga.

PËRGJIGJU

Please enter your comment!
Please enter your name here