Sipas shifrave të përpiluara nga Universiteti Johns Hopkins me qendër në SHBA, numri i përgjithshëm i vdekjeve nga pandemia e koronavirusit sot është rritur në 16.559.
Virusi, i cili u shfaq në Wuhan, Kinë dhjetorin e kaluar, është përhapur në të paktën 168 vende dhe rajone në mbarë globin.
Tabela e rasteve të konfirmuara tejkalon 380,000. Në përgjithësi, 101.806 persona të diagnostikuar me COVID-19 janë shëruar nga sëmundja deri më tani.
Italia, Kina, Spanja dhe Irani vazhdojnë të jenë vendet më të prekura.
Edhe pse Kina ka më së shumti raste të konfirmuara prej 81.552, Italia regjistroi më së shumti vdekje të lidhura me koronavirus me një shifër prej 6,077 vdekje në më shumë se 63.927 raste. Kina, pika zero e virusit, pason Italinë me 3,160 vdekje.
Mbi 2.300 persona kanë vdekur në Spanjë, ndërsa numri i të vdekurve aktual është mbi 1.800 në Iran. Rastet e konfirmuara të Spanjës qëndrojnë në 35.136 ndërsa Irani tejkaloi 23,000.
Shumë vende kanë kufizuar fluturimet nga vendet më të prekura dhe janë mbyllur pasi Organizata Botërore e Shëndetësisë (OBSH) shpalli sëmundjen pandemi dhe Evropën epiqendrën e re të sëmundjes.
