Të paktën 7 kamikazë i kanë kryer sulmet terroriste ndaj kishave dhe hoteleve në ditën e Pashkëve në Sri Lankë, njoftoi zyrtari i Institutit të Mjekësisë Ligjore në vend, Ariyananda Welianga.
Gjashtë sulmet me bombë dje në orët e para të mëngjesit në Sri Lankë ndaj një kishe në Batticaloa, ndaj kishave St. Anthony’s në Kochchikade dhe St.Sebastian në Katana si dhe ndaj hoteleve me pesë yje Shangri-La, Cinnamon Grand dhe Kingsbury në kryeqytetin Colombo, janë kryer nga 7 kamikazë.
Deri më tani nga sulmet jetën e kanë humbur të paktën 290 persona ndërsa mbi 500 të tjerë janë të plagosur.
