Ballina Bota Trump shpalos nominimet për ambasador në OKB dhe Prokurorin e Përgjithshëm

Trump shpalos nominimet për ambasador në OKB dhe Prokurorin e Përgjithshëm

18
0

Presidenti i Shteteve të Bashkuara të Amerikës (SHBA), Donald Trump, tha se do të propozojë zëdhënësen e Departamentit të Shtetit Heather Nauert në postin e përfaqësueses së përhershme të vendit në Organizatën e Kombeve të Bashkuara.

Ambasadorja aktuale Nikki Haley njoftoi në tetor se do të japë dorëheqje nga posti i saj në fund të vitit.

Nauert është një ish-prezantuese e Fox News, të cilën Trump e ka lavdëruar si “shumë të talentuar”.

“Ajo ka bërë një punë të shkëlqyer duke punuar me Mike Pompeon dhe të tjerët në Departamentin e Shtetit”, u tha Trump gazetarëve në Shtëpinë e Bardhë.

Nauert filloi detyrën e saj në Departamentin e Shtetit në vitin 2017 pa ndonjë përvojë në politikën e jashtme dhe, nëse konfirmohet nga Senati, ajo do të luajë një rol kryesues në zbatimin e axhendës ndërkombëtare të SHBA-së.

Me Nauert, Departamenti i Shtetit ka reduktuar në mënyrë dramatike konferencat për shtyp.

Përveç Nauert, Trump tha gjithashtu se do të emërojë William Barr, i cili shërbeu si Prokuror i Përgjithshëm (Sekretar i Drejtësisë) gjatë mandatit të George H.W. Bush, për të zëvendësuar ish-Prokurorin e Përgjithshëm Jeff Sessions, të cilin Trump e detyroi të japë dorëheqje muajin e kaluar.

Gjatë paralajmërimit për nominim, Trump e ka quajtur Bill Barr si “një nga juristët më të respektuar në vend dhe “avokat shumë i respektuar”.

Nëse konfirmohet, Barr do të marrë postin e lartë në Departamentin e Drejtësisë për të dytën herë pasi në të njëjtën detyrë shërbeu nga viti 1991 deri më 1993

“Ai ishte përzgjedhja ime e parë që nga dita e parë” tha Trump për Barr.

“Shpresojmë se procesi do të ecën shumë shpejt. Unë mendoj se do të ecën shumë shpejt”, shtoi presidenti amerikan.

PËRGJIGJU

Please enter your comment!
Please enter your name here