Një terrorist i PKK-së “i neutralizuar” në operacionet e brendshme antiterroriste të së premtes ishte në mesin e personave në listën e terroristëve të kërkuar në Turqi, njoftoi Ministria e Brendshme e Turqisë, (AA).
Ferhat Ates ishte përfshirë në kategorinë gri të listës e cila është e ndarë në pesë kategori me ngjyra, me të kuqe si më të kërkuarit, e ndjekur nga e kaltra, e gjelbra, portokalli dhe gri.
Ates njihej me emrin e koduar Sefkan Mardin dhe për të ishin ofruar 500 mijë lira turke (afërsisht 73.000 dollarë).
Të premten, forcat turke të sigurisë neutralizuan dy terroristë të PKK-së në një operacion të mbështetur nga ajri në rrethin Ovacik të provincës lindore Tunceli.
Autoritetet turke shpesh përdorin fjalën “neutralizim” në deklaratat e tyre për të nënkuptuar se terroristët në fjalë janë dorëzuar, vrarë ose janë kapur.
Në fushatën e saj terroriste më shumë se 30-vjeçare kundër Turqisë, PKK, e renditur si organizatë terroriste nga Turqia, SHBA-ja dhe BE-ja, ka qenë përgjegjëse për vdekjen e gati 40 mijë njerëzve, përfshirë shumë gra, fëmijë dhe foshnja.