Së paku dy palestinezë u martirizuan të martën kur ushtria izraelite bombardoi një vend të lidhur me lëvizjen Hamas në pjesën veriore të Rripit të Gazës, bëri të ditur Ministria palestineze e Shëndetësisë.
Ambulancat kanë bartur disa të plagosur nga vendi i sulmit në qytetin Beit Lahia, theksuan dëshmitarë okularë për AA.
Ushtria izraelite në një njoftim tha se “terroristët” qëlluan me armë kundër ushtarëve të saj “pranë pjesës veriore të Rripit të Gazës nga një postbllok i Hamasit”.
Në njoftim thuhet se një tank izraelit i lidhur me ushtrinë pastaj “vuri në shënjestër postbllokun nga i cili u qëllua”.
Nuk u raportua për asnjë dëmtim mbi trupat e ushtrisë izraelite, thuhet në njoftimin izraelit.
